தேவன் எதற்காகத் தமது குமாரனை மரிப்பதற்கு ஒப்புக்கொடுத்தார்?

கட்டுரையைப் பகிரவும்

அவரை மரிக்க அனுமதித்ததால், தேவன் நம்மை நேசித்து,  தனது குமாரனை நேசிப்பதில்லை என்று ஏற்றுக்கொள்ளலாமா?

பதில்: இயேசுவின் சொந்த வார்த்தைகள் இந்த ஆழமான இரகசியத்தை மிகச்சிறப்பாக விளக்குகின்றன.

• யோவான் 10:17-18 நான் என் ஜீவனை மறுபடியும் அடைந்துகொள்ளும்படிக்கு அதைக் கொடுக்கிறபடியினால் பிதா என்னில் அன்பாயிருக்கிறார். ஒருவனும் அதை என்னிடத்திலிருந்து எடுத்துக்கொள்ளமாட்டான்; நானே அதைக் கொடுக்கிறேன், அதைக் கொடுக்கவும் எனக்கு அதிகாரம் உண்டு, அதை மறுபடியும் எடுத்துக்கொள்ளவும் எனக்கு அதிகாரம் உண்டு. இந்தக் கட்டளையை என் பிதாவினிடத்தில் பெற்றுக்கொண்டேன் என்றார்.

இந்த ஆழமான இரகசியமானது, தேவனின் அனைத்து பரிபூரண குணாதிசயங்களும் எல்லா நேரங்களிலும் சரியான சமச்சீராக இயங்குகிறது என்ற உண்மைக்குள் அதன் விளக்கத்தைக் உள்ளடக்கியுள்ளது.

பரிபூரண இரக்கத்தையும் பரிபூரண அன்பையும் வெளிப்படுத்த தேவன் பரிபூரண நீதியை ஒரு போதும் கைவிட்டதில்லை. அந்த குணாதிசயங்கள் ஒவ்வொன்றும், மற்ற அனைத்தும் ஒவ்வொரு செயலிலும் சரியாக வெளிப்படுத்தப்படுகின்றன.

• எபிரெயர் 9:22 இரத்தஞ்சிந்துதலில்லாமல் மன்னிப்பு உண்டாகாது.

பாவம் கொடுமையானது! ஒரு பரிபூரண நித்திய நபரின் மரணமும் சிந்தப்பட்ட இரத்தமும் மட்டுமே பாவத்தை மறைப்பதற்கும், மன்னிப்பை உருவாக்குவதற்கும் தேவையான விலையை செலுத்த,  தேவனின் கோபத்தை திருப்திப்படுத்த முடியும். இயேசு: குற்றவாளிகளின் பாவங்கள் மன்னிக்கப்படுவதற்காக பரிபூரண குற்றமற்ற மனிதனாக மரித்தார். இந்த வழியில் மட்டுமே குற்றவாளிகள்  தங்களை  சிருஷ்டித்தவருடன்  அன்பான உறவை மீண்டும் பெற முடியும். தேவன், மன்னிப்புக்கான மரண தண்டனையை திருப்திப்படுத்த மனித ரூபம் எடுத்து மனுஷ சாயலானார். இவ்வாறு, பரிபூரண  தேவன் ஒரு மனிதனாக பூமிக்கு வந்தார், ஒரு மனிதனாக ஒரு பரிபூரண வாழ்க்கையை வாழ்ந்தார், அனைத்து சட்டங்களையும், தேவைகளையும் பரிபூரணமான கீழ்ப்படிதலுடன் நிறைவேற்றினார், மேலும் அவரை விசுவாசித்து, நம்பும் மற்றும் நேசிக்கும் எந்தவொரு நபருக்கும் பதிலாக மனப்பூர்வமாக தன்னை உட்படுத்திக் கொண்டார்.

உலகமும் மனிதர்களும் உண்டாக்கப்படுவதற்கு முன்பு இருந்ததைப் போலவே மாற, ஒரு குற்றவாளி, பாவமுள்ள மனிதன் சுத்திகரிக்கப்படவும், தேவனுடன் மீண்டும் ஒப்புரவாகவும் சிறந்த வழி இதுவே

• பிலிப்பியர் 2:5-11 கிறிஸ்து இயேசுவிலிருந்த சிந்தையே உங்களிலும் இருக்கக்கடவது; அவர் தேவனுடைய ரூபமாயிருந்தும், தேவனுக்குச் சமமாயிருப்பதைக் கொள்ளையாடின பொருளாக எண்ணாமல், தம்மைத்தாமே வெறுமையாக்கி, அடிமையின் ரூபமெடுத்து, மனுஷர் சாயலானார். அவர் மனுஷரூபமாய்க் காணப்பட்டு, மரணபரியந்தம், அதாவது சிலுவையின் மரணபரியந்தமும் கீழ்ப்படிந்தவராகி, தம்மைத்தாமே தாழ்த்தினார். ஆதலால் தேவன் எல்லாவற்றிற்கும் மேலாக அவரை உயர்த்தி, இயேசுவின் நாமத்தில் வானோர் பூதலத்தோர் பூமியின் கீழானோருடைய முழங்கால் யாவும் முடங்கும்படிக்கும், பிதாவாகிய தேவனுக்கு மகிமையாக இயேசுகிறிஸ்து கர்த்தரென்று நாவுகள் யாவும் அறிக்கைபண்ணும்படிக்கும், எல்லா நாமத்திற்கும் மேலான நாமத்தை அவருக்குத் தந்தருளினார்.

இயேசு தானாக முன்வந்து மரித்தார். பரிசுத்தமான, சர்வ வல்லமையுள்ள தேவன் செயல்பட, அவரை எதுவும் கட்டாயப்படுத்த முடியாது!

இயேசு, பரிபூரணமான மனிதன் பரிபூரணமான தேவகுமாரன் தானாகவே முன்வந்து “பாவத்தை சுமக்கும்” பாவ பலியாக பாவத்திற்காக தம்மை ஒப்புக்கொடுத்தார். இந்த தன்னார்வச் செயலுக்காக, பிதாவாகிய தேவன் பரலோகத்தில் தம்முடைய பரிபூரண குமாரனைத் திரும்பப் பெறுவது மட்டுமல்லாமல், இயேசுவை நம்பும் எவருக்கும் இயேசுவின் பரிபூரண செயல்களைப் கொடுக்க சித்தமானார். இவ்வாறு, இயேசுவின் மீதான தேவனின் பரிபூரண அன்பு அதிவேகமாக விரிவடைந்தது, ஏனென்றால் தேவன் தம்முடைய குமாரனாகிய இயேசுவை நேசிப்பதைப் போலவே, அவர் நேசிக்கும் பலரை  தேவனின் நித்திய குடும்பத்தில் கொண்டுவந்தார்.

• எபிரெயர் 2:9-18 என்றாலும், தேவனுடைய கிருபையினால் ஒவ்வொருவருக்காகவும், மரணத்தை ருசிபார்க்கும்படிக்கு தேவதூதரிலும் சற்றுச் சிறியவராக்கப்பட்டிருந்த இயேசு மரணத்தை உத்தரித்ததினிமித்தம் மகிமையினாலும் கனத்தினாலும் முடிசூட்டப்பட்டதைக் காண்கிறோம். ஏனென்றால் தமக்காகவும் தம்மாலேயும் சகலத்தையும் உண்டாக்கினவர், அநேகம் பிள்ளைகளை மகிமையில் கொண்டுவந்து சேர்க்கையில் அவர்களுடைய இரட்சிப்பின் அதிபதியை உபத்திரவங்களினாலே பூரணப்படுத்துகிறது அவருக்கேற்றதாயிருந்தது. எப்படியெனில், பரிசுத்தஞ்செய்கிறவரும் பரிசுத்தஞ்செய்யப்படுகிறவர்களுமாகிய யாவரும் ஒருவராலே உண்டாயிருக்கிறார்கள்; இதினிமித்தம் அவர்களைச் சகோதரரென்று சொல்ல அவர் வெட்கப்படாமல்: உம்முடைய நாமத்தை என் சகோதரருக்கு அறிவித்து, சபை நடுவில் உம்மைத் துதித்துப் பாடுவேன் என்றும்; நான் அவரிடத்தில் நம்பிக்கையாயிருப்பேன் என்றும்; இதோ, நானும், தேவன் எனக்குக் கொடுத்த பிள்ளைகளும் என்றும் சொல்லியிருக்கிறார். ஆதலால், பிள்ளைகள் மாம்சத்தையும் இரத்தத்தையும் உடையவர்களாயிருக்க, அவரும் அவர்களைப்போல மாம்சத்தையும் இரத்தத்தையும் உடையவரானார்; மரணத்துக்கு அதிகாரியாகிய பிசாசானவனைத் தமது மரணத்தினாலே அழிக்கும்படிக்கும், ஜீவகாலமெல்லாம் மரணபயத்தினாலே அடிமைத்தனத்திற்குள்ளானவர்கள் யாவரையும் விடுதலைபண்ணும்படிக்கும் அப்படியானார். ஆதலால், அவர் தேவதூதருக்கு உதவியாகக் கைகொடாமல், ஆபிரகாமின் சந்ததிக்கு உதவியாகக் கைகொடுத்தார். அன்றியும், அவர் ஜனத்தின் பாவங்களை நிவிர்த்தி செய்வதற்கேதுவாக, தேவகாரியங்களைக்குறித்து இரக்கமும் உண்மையுமுள்ள பிரதான ஆசாரியராயிருக்கும்படிக்கு எவ்விதத்திலும் தம்முடைய சகோதரருக்கு ஒப்பாகவேண்டியதாயிருந்தது. ஆதலால், அவர்தாமே சோதிக்கப்பட்டுப் பாடுபட்டதினாலே, அவர் சோதிக்கப்படுகிறவர்களுக்கு உதவிசெய்ய வல்லவராயிருக்கிறார்.

சுருக்கமான உண்மை: குமாரனாகிய தேவன் தானாக முன்வந்து பரலோகத்தை விட்டு பூமிக்கு வந்து, மனிதகுலம் மீட்கப்பட்டு தேவனுடன் மீண்டும் சமாதானம் பெரும்படியாக பாவத்திற்கான மரண தண்டனையை நிறைவேற்றத் தேர்ந்தெடுத்தார்.

• யோவான் 10:14-16 நானே நல்ல மேய்ப்பன்; பிதா என்னை அறிந்திருக்கிறதுபோலவும், நான் பிதாவை அறிந்திருக்கிறதுபோலவும், நான் என்னுடையவைகளை அறிந்தும் என்னுடையவைகளால் அறியப்பட்டுமிருக்கிறேன்; ஆடுகளுக்காக என் ஜீவனையும் கொடுக்கிறேன். இந்தத் தொழுவத்திலுள்ளவைகளல்லாமல் வேறே ஆடுகளும் எனக்கு உண்டு; அவைகளையும் நான் கொண்டுவரவேண்டும், அவைகள் என் சத்தத்துக்குச் செவிகொடுக்கும், அப்பொழுது ஒரே மந்தையும் ஒரே மேய்ப்பனுமாகும்.

தேவனின் நம்பமுடியாத அன்பையும் தியாகத்தையும் நாம் சிந்திக்கும்போது, ​​​​நாம் தலை குனிந்து, நன்றி செலுத்தி, எபிரேய எழுத்தாளருடன் சேர்ந்து இவ்வாறு கூற முடியும்:

• எபிரெயர் 2:4 தேவன் தாமே சாட்சிகொடுத்ததுமாயிருக்கிற இவ்வளவு பெரிதான இரட்சிப்பைக்குறித்து நாம் கவலையற்றிருப்போமானால் தண்டனைக்கு எப்படித் தப்பித்துக்கொள்ளுவோம். 

அப்படியானால், அவருடைய மன்னிப்பைப் பெற்று இரட்சிப்பைப் பெறுவது எப்படி?

• அப்போஸ்தலர் 16:29-31 அப்பொழுது அவன் தீபங்களைக் கொண்டுவரச்சொல்லி, உள்ளே ஓடி, நடுநடுங்கி, பவுலுக்கும் சீலாவுக்கும் முன்பாக விழுந்து, அவர்களை வெளியே அழைத்துவந்து: ஆண்டவமாரே, இரட்சிக்கப்படுவதற்கு நான் என்ன செய்யவேண்டும் என்றான். அதற்கு அவர்கள்: கர்த்தராகிய இயேசுகிறிஸ்துவை விசுவாசி, அப்பொழுது நீயும் உன் வீட்டாரும் இரட்சிக்கப்படுவீர்கள் என்று சொல்லி,

கிறிஸ்துவுக்குள் – உங்கள் அனைவருக்கும் எங்களின் அன்பு, 

உங்கள் நண்பர்கள் @wasItForMe.com