ஒரு கிறிஸ்தவனின் வாழ்க்கையில், இரட்சிப்பு தேவனுடைய இலவச பரிசாக இருக்கிறபடியால், நல்ல கிரியைகளுக்கு மதிப்பு இருக்கிறதா?
பதில்: இரட்சிப்பை இலவச பரிசாக பெறுகிறபோது, நாம் புதிய சிருஷ்டிகளான போது, புதிய இருதயத்தையும் பெறுகிறோம் (2 கொரிந்தியர் 5:17). இதனால் நாம் இயேசுவைப் போல் சிந்திக்கவும், பேசவும், நடக்கவும், அன்புகூரவும் முடிகிறது. கிறிஸ்துவின் ஆவியின் சக்தியால் செய்யப்படும் “நல்ல கிரியைகள்” பரிசுத்த தேவனுக்கு பிரியமானவையாகும்.
உண்மையில், வேதாகமம் நம்மை முன்பே தேவன் நற்கிரியைகளை செய்யும்படி சிருஷ்டித்தார் என்று சொல்லுகிறது:
எபேசியர் 2:8-10 – கிருபையினாலே விசுவாசத்தைக்கொண்டு இரட்சிக்கப்பட்டீர்கள்; இது உங்களால் உண்டானதல்ல, இது தேவனுடைய ஈவு; ஒருவரும் பெருமைபாராட்டாதபடிக்கு இது கிரியைகளினால் உண்டானதல்ல; ஏனெனில், நற்கிரியைகளைச் செய்கிறதற்கு நாம் கிறிஸ்து இயேசுவுக்குள் சிருஷ்டிக்கப்பட்டு, தேவனுடைய செய்கையாயிருக்கிறோம்; அவைகளில் நாம் நடக்கும்படி அவர் முன்னதாக அவைகளை ஆயத்தம்பண்ணியிருக்கிறார்.
கிறிஸ்துவைப் பின்பற்றுகிறவர், இந்த இருள் நிறைந்த உலகில் ஒளியாக இருக்கும்படி கட்டளையிடப்பட்டுள்ளார். நம்மைச் சுற்றியுள்ள மனிதர்களைத் தொட்டுச் செல்லும் நல்ல கிரியைகளைச் செய்யாமல், நாம் ஒளியாக இருக்க முடியாது.
பிலிப்பியர் 2:13-15 – ஏனெனில் தேவனே தம்முடைய தயவுள்ள சித்தத்தின்படி விருப்பத்தையும் செய்கையையும் உங்களில் உண்டாக்குகிறவராயிருக்கிறார். நான் வீணாக ஓடினதும் வீணாகப் பிரயாசப்பட்டதுமில்லையென்கிற மகிழ்ச்சி கிறிஸ்துவின் நாளில் எனக்கு உண்டாயிருப்பதற்கு, ஜீவவசனத்தைப் பிடித்துக்கொண்டு, உலகத்திலே சுடர்களைப்போலப் பிரகாசிக்கிற நீங்கள், கோணலும் மாறுபாடுமான சந்ததியின் நடுவிலே குற்றமற்றவர்களும் கபடற்றவர்களும், தேவனுடைய மாசற்ற பிள்ளைகளுமாயிருக்கும்படிக்கு,
நல்ல கிரியைகள், தேவன் கொடுக்கும் நித்திய பலன்களிலும் ஆசீர்வாதங்களிலும் பங்கு பெற வைக்கும். ஆனால் நினைவில் கொள்ளுங்கள்: கிறிஸ்துவின் அன்பினாலன்றி, தேவனுக்குப் பிரியமானதும் , பிறருக்குப் பயனான எதையும் செய்யக்கூடிய ஆற்றல் நம்மிடம் இல்லை.
கிறிஸ்துவின் அன்பு – அதனை நாம் சம்பாதிக்க முடியாது; அது தேவன் தரும் வரம் மட்டுமே. கிறிஸ்துவைப் போல அன்பு செய்யக்கூடிய இதயம், தேவனுடைய வரமாகவே வரும்.
நாம் அனைவரும் ஒரே இரட்சிப்பைப் தேவனுடைய வரமாகப் பெறுகிறோம்; ஆனால் பரலோகத்தில் நாம் பெறப்போகும் பலன்கள் வேறுபடும். ஏனெனில் கிறிஸ்துவின் பரிசுத்த ஆவியால் நம் வாழ்க்கை எவ்வளவு வழிநடத்தப்பட்டது என்பதைப் பொறுத்தே அந்தப் பலன்கள் வழங்கப்படும்.
எபேசியர் 2:4-7 – தேவனோ இரக்கத்தில் ஐசுவரியமுள்ளவராய் நம்மில் அன்புகூர்ந்த தம்முடைய மிகுந்த அன்பினாலே, அக்கிரமங்களில் மரித்தவர்களாயிருந்த நம்மைக் கிறிஸ்துவுடனேகூட உயிர்ப்பித்தார்; கிருபையினாலே இரட்சிக்கப்பட்டீர்கள். கிறிஸ்து இயேசுவுக்குள் அவர் நம்மிடத்தில் வைத்த தயவினாலே, தம்முடைய கிருபையின் மகா மேன்மையான ஐசுவரியத்தை வருங்காலங்களில் விளங்கச்செய்வதற்காக, . கிறிஸ்து இயேசுவுக்குள் நம்மை அவரோடேகூட எழுப்பி, உன்னதங்களிலே அவரோடேகூட உட்காரவும் செய்தார்.
நாம் அனைவரும் தேவனுடைய பரிசாகும் இரட்சிப்பை ஒரே மாதிரியாகப் பெற்றோம்; ஆனால், கிறிஸ்துவின் பரிசுத்த ஆவியினால் தேர்வுகளை வழிநடத்துவதற்கும், மற்றவர்களை அன்புடன் நேசிப்பதற்கும் எவ்வாறு செயல்பட்டோம், அதற்கேற்ப பரலோகத்தில் வெவ்வேறு பரிசுகளைப் பெறுவோம்.
கிறிஸ்துவுக்குள் அனைவருக்கும் எங்கள் அன்பின் வாழ்த்துக்கள்
ஜான் + பிலிஸ்
